ოქტომბერი 24, 2017
192
უკრაინის საიმიგრაციო სამსახურმა ოდესის ყოფილ გუბერნატორს, „ახალი ძალების მოძრაობის“ ლიდერს მიხეილ სააკაშვილს ლტოლვილის სტატუსის მინიჭებაზე უარი უთხრა. ამის შესახებ ქვეყნის გენერალურმა პროკურორმა იური ლუცენკომ განაცხადა.
მისი განმარტებით, მიხეილ სააკაშვილს ამ საკითხის გასაჩივრებით სასამართლოსთვის არ მიუმართავს. შესაბამისად, ახლა კიევს აქვს მისი დეპორტირების ან ექსტრადირების უფლება.
გენერალური პროკურორის შეფასებით, მიხეილ სააკაშვილმა ე.წ. წითელი ხაზი გადაკვეთა და ხელისუფლების მიტაცების მიზნით პროვოკაციებს აწყობს.
პრეზიდენტმა პეტრო პოროშენკომ მიხეილ სააკაშვილს უკრაინის მოქალაქეობა რამდენიმე თვის წინ ჩამოართვა. მიზეზად კი, მოქალაქეობის მიღებისას არასაკმარისი ინფორმაციის მიწოდება დასახელდა.
მაჩვენე მეტი