თბილისის დემირელის კოლეჯის ერთ-ერთ მმართველს, მუსტაფა ემრე ჩაბუქს ლტოლვილის სტატუსის მინიჭებაზე უარი ეთქვა.
ლტოლვილთა და იძულებით გადაადგილებულთა სამინისტროში უარის მიზეზები განმარტეს და განაცხადეს, რომ უწყებამ მხედველობაში მიიღო თურქეთის რესპუბლიკის საელჩოს მიერ ქართული მხარისთვის, კონკრეტულად, ჩაბუქის მიმართ წარმოდგენილი დიპლომატიური გარანტიები.
ასევე ჩაბუქის საქმის დეტალების შესწავლისას გაანალიზდა, თუ რამდენად ემუქრება მას თურქეთის რესპუბლიკაში დევნა, ასევე, გაითვალისწინეს 2016 წელს თურქეთში მიმდინარე მოვლენები და საექსტრადაციო პროცედურები.
ლტოლვილის სტატუსის მინიჭწებაზე უარი ეთქვა ჩაბუქის მეუღლესაც.
სამინისტროს გადაწყვეტილების გასაჩივრებას ოჯახის უფლებადამცველი სასამართლოში გეგმავს. ამისთვის მხარეს ერთთვიანი ვადა აქვს.