სისხლის სამართლის საერთაშორისო სასამართლოს წევრები თბილისში ვიზიტს ასრულებენ. ამ წუთებში ისინი „ადვოკატთა ასოციაციაში“ მართავენ შეხვედრას, რის შემდეგაც საქართველოს დატოვებენ.
დელეგაცია დილიდან თსუ-ში იმყოფებოდა, სადაც იურიდიული ფაკულტეტის სტუდენტებს საერთაშორისო სამართლის სივრცეში რომის სტატუსის და ჰააგის სასამართლოს მნიშვნელობაზე წაუკითხეს ლექცია.
დღეს სასამართლოს კანცლერმა კიდევ ერთხელ გაუსვა ხაზი მათ ინტერესს აგვისტოს ომის გამოძიების მიმართ და იმედი გამოთქვა, რომ უკვე ერთ თვეში შერჩეული იქნება პირი, რომელიც იანვრიდან სისხლის სამართლის საერთაშორისო სასამართლოს თბილისის ოფისს უხელმძღვანელებს.
ამასთან, უკვე დაწყებული აქვს მუშაობა „ნდობის ფონდსაც“, რომელიც მიღებული ინფორმაციის ანალიზზე დაყრდნობით, აგვისტოს ომით დაზარალებულ მოსახლეობას დახმარებას გაუწევს.