უახლოეს პერიოდში საქართველოში სისხლის სამართლის საერთაშორისო სასამართლოს ოფისი გაიხსნება, - ეს განცხადება სახალხო დამცველმა ივ. ჯავახიშვილის სახელობის თბილისის სახელმწიფო უნივერსიტეტში სისხლის სამართლის საერთაშორისო სასამართლოს (ICC) წარმომადგენლების სამუშაო შეხვედრაზე გააკეთა.
უჩა ნანუაშვილის განმარტებით, მთავარი მიზანია, მოსახლეობას სისხლის სამართლის საერთაშორისო სასამართლოს საქმიანობისა და 2008 წლის ომის გამოძიების მიმდინარეობის შესახებ სწორი მოლოდინი შეექმნას.
"ყველა დაინტერესებული ჯგუფის ინფორმირება აუცილებელია. მათ შორის აკადემიური საზოგადოების, სამოქალაქო სექტორის, ხელისუფლების წარმომადგენლების და რაც ყველაზე მნიშვნელოვანია დაზარალებულებისა და მსხვერპლთა ინფორმირება უნდა მოხდეს იმ ეტაპების შესახებ რაც გამოძიების პროცესში გათვალისწინებულია. ამ მიზნით სახალხო დამცველი შეხვედრებს მომავალშიც გააგრძელებს", - განაცხადა უჩა ნანუაშვილმა.