ნაციონალური მოძრაობის ერთერთი წევრი ლევან ხაბეიშვილი ამ წუთებში თბილისის პროკურატურაში იმყოფება.
ის საგამოძიებო ორგანოში გამოკითხვაზე მას შემდეგ დაიბარეს, რაც პარტიის ლიდერების მიერ გავრცელდა ინფორმაცია, რომ აქციის მიმდინარეობისას ხაბეიშვილს თბილისის მერიის შენობაში სამართალდამცავები ფიზიკურად გაუსწორდნენ. ამის შესახებ თავად ხაბეიშვილიც საუბრობს.
საპასუხო განცხადება და პირველ სართულზე გადაღებულ ვიდეომასალას ავრცელებს თბილისის მერია, რომელიც პარტიის წევრის შენობაში ყოფნას ასახავს.
განცხადებაში ნათქვამია, რომ ნაციონალური მოძრაობის მიერ გავრცელებული ინფორმაცია ფიზიკურ ანგარიშსწორებასთან დაკავშირებით სიცრუეა.
,,მოვუწოდებთ პოლიტიკურ პარტიებს, ნუ შეიყვანენ საზოგადოებას შეცდომაში წინასაარჩევნოდ პოლიტიკური ქულების დაწერის მიზნით და თავი შეიკავონ მიზანმიმართული ბრალდებებისგან’’, - ნათქვამია მერიის განცხადებაში.