აზერბაიჯანელი ჟურნალისტის აფგან მუხტარლის საქმეზე, პროკურატურაში მიმდინარე გამოძიების საქმეზე მისი მეუღლე ლეილა მუსტაფაევა დამატებით გამოიკითხება. მუსტაფაევა აცხადებს, რომ საქმეზე ბევრი კითხვა არსებობს, მათ შორის, როგორ გადალახა მუხტარლიმ საზღვარი.
მუსტაფაევა აცხადებს, რომ გამოძიების პროცესი აჩვენებს, რამდენად ობიექტურად მიმდინარეობს გამოძიება.
ლეილა მუსტაფაევასთან ერთად მთავარ პროკურატურაში იმყოფება მისი ადვოკატი არჩილ ჩოფიკაშვილიც. ადვოკატის განცხადებით, აზერბაიჯანელი ჟურნალისტის საქმეზე გამოძიება სსკ-ის 143 ე მუხლით მიმდინარეობს, რაც თავისუფლების უკანონოდ აღკვეთას გულისხმობს.
არჩილ ჩოფიკაშვილის განცხადებით, ამ საქმის გამოძიება მთავარმა პროკურატურამ 20 ივლისს გადაიბარა. მანამდე, ლეილა მუსტაფაევა საქმეზე პოლიციაში დაიკითხა.