ატვირთვა
ავტორიზაცია რეგისტრაცია
5 107 954
ნახვა
345
ხელმომწერი
23 824
ვიდეო

ბათუმში მშენებარე კორპუსის ჩამონგრევის შედეგად ხუთი ადამიანი დაშავდა

გაზიარება
სექტემბერი 30, 2017
402
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ხუთი ადამიანი დაშავდა ბათუმში იუსტიციის სახლის მიმდებარედ მშენებარე კორპუსის ჩამონგრევის შედეგად. ხუთივე მათგანი მშენებლობაზე მუშაობდა. დაზარალებულები ქალაქის სხვადასხვა საავადმყოფოში მოათავსეს. როგორც ბათუმის სასწრაფო დახმარების სამსახურში აცხადებენ, დაზიანებები სიცოცხლისთვის შეუთავსებელი არ არის.

„სასწრაფო ადგილზე გამოძახებისთანავე მივიდა. იქ დაგვხვდა ხუთი დაშავებული, რომლებიც გადავიყვანეთ ბათუმის რეფერალურ საერთაშორისო საუნივერსიტეტო კლინიკასა და „მედინაში“. მათ სხვადასხვა ტიპის დაზიანებები აღენიშნებათ, თუმცა წინასწარი დათვალიერებით მათ სიცოცხლეს საფრთხე არ ემუქრება“ ,- განაცხადა ბათუმის სასწრაფო დახმარების სამსახურის უფროსის მოადგილემ ბადრი პაქსაძემ.

შემთხვევა კომპანია „ალიანს პალასის“ მრავალსართულიან მშენებარე კორპუსში მოხდა. ჩამოინგრა მესამე სართულის იატაკი. კომპანიის წარმომადგენლები და დასაქმებულები შემთხვევასთან დაკავშირებით კომენტარს არ აკეთებენ.

გამოძიება 240-ე მუხლით მიმდინარეობს, რაც სამშენებლო წესების დარღვევას გულისხმობს.

მაჩვენე მეტი