სამშენებლო ობიექტებზე დაშავებულთა მრავალრიცხოვან სიას კიდევ 2 ადამიანი შეემატა. ხარაგაულში სარკინიგზო გვირაბის ნაწილის ჩამონგრევის შედეგად ვეფხია კაკიაშვილი და თამაზ ტალახაძე დაშავდნენ.
52 წლის მამაკაცი ამ დრომდე საავამყოფოში რჩება. თამაზ ტალახაძეს თავის ქალის ტრავმა და მრავლობითი მოტეხილობები აქვს. მეორე დაშავებული კი მკურნალობას სახლის პირობებში განაგრძობს.
შემთხვევის მიზეზებს გამოძიება დაადგენს. მომხდართან დაკავშირებით განცხადება გაავრცელა სამუშაოების მწარმოებელმა კომპანიამ და განმარტა, რომ გვირაბში მხოლოდ მცირე მოცულობის ქვა ჩამოვარდა.
სარკინიგზო პროფკავშირებში განაცხადეს, რომ ადგილზე უსაფრთხოების ზომები დაცული არ იყო.
როგორია თამაზ ტალახაძის ჯანმრთელობის მდგომარეობა და რა ვითარება იყო მშენებარე ობიექტზე - გიორგი კობერიძე დეტალებით.