ამ წუთებში ეკონომიკის მინისტრი გიორგი გახარია თურქეთის ტრანსპორტის მინისტრის და აზერბაიჯანის რკინიგზის ხელმძღვანელთან ერთად ბაქო-თბილისი-ყარსის ახალი სარკინიგზო ხაზის მშენებლობის პროცესს ეცნობა.

სარკინიგზო ხაზის 70 პროცენტი უკვე დასრულებულია. მარაბდა-ახალქალაქი-კარწახის სარკინიგზო გზა წელიწადში 5 მილიონ ტვირთბრუნვაზე და 1 მილიონ მგზავრთნაკადზეა გათვლილი.

სარკინიგზო ხაზის ამოქმედების შემდეგ შეიქმნება ევროპა-აზიის ახალი დამაკავშირებელი სარკინიგზო მაგისტრალი, რომელიც საქართველოს სატრანზიტო პოტენციალის ამაღლებას ხელს შეუწყობს.