მისურის შტატის ქალაქ სენტ-ლუისში საპროტესტო აქცია პოლიციასა და დემონსტრანტებს შორის შეტაკებაში გადაიზარდა. ფიზიკური დაპირისპირების შედეგად, რვა პოლიციელი დაშავდა, ათობით დემონსტრანტი დაკვებულია.
საპროტესტი აქცია მისურის შტატის სასამართლოს გადაწყვეტილებას მოჰყვა, რის შედეგადაც აფროამერიკელის მკლელობაში ბრალდებულ სამართალდამცველს, ჯეისონ სტოკლის გამამართლებელი განაჩენი გამოუტანეს.
2011 წლის დეკემბერში პოლიციელმა 24 წლის აფროამერიკელი მამაკაცი სასიკვდილოდ დაჭრა. ენტონი ლამარ სმიტი საავადმყოფოში მიყვანამდე გარდაიცვალა. სამართალდამცველი აცხადებდა, რომ შეიარაღებული სმიტი მას თავს დაესხა. ბრალდების მხარე კი სასამართლოში ამტკიცებდა, რომ გარდაცვლილის კუთვნილი იარაღი ექსპერტიზამ მანქანაში იპოვა, რაც პოლიციელის მონათხრობს ეჭვქვეშ აყენებს. სასამართლო პროცესი რამდენიმე წლის განმავლობაში მიმდინარეობდა.
სენტ-ლუისში თავმოყრილი ათასზე მეტი დემონსტრანტი სასამართლოს რასისტულ განაჩენში ადანაშაულებს.