ამერიკის შეერთებული შტატების სახელმწიფო მდივანი საერთაშორისო თანამეგობრობას მოუწოდებს, დაუყონებლივ მიიღონ ზომები ჩრდილოეთ კორეის წინააღმდეგ.
რექს ტილერსონი თვლის, რომ ფხენიანის მიერ განხორციელებული გამოცდა მორიგი პროვოკაციაა, რომელიც საფრთხეს უქმნის იაპონიას.
„ეს განგრძობითი ხასიათის პროვოკაციული ქმედებები, ჩრდილოეთ კორეის დიპლომატიურ და ეკონომიკურ იზოლაციას გააღრმავებს. მოვუწოდებთ ყველა ქვეყანას დაუყონებლივ მიიღონ ახალი და მკაცრი ზომები ჩრდილოეთ კორეის წინააღმდეგ",– განაცხადა ამერიკის სახელმწიფო მდივანმა.
შეგახსენებთ, ჩრდილოეთ კორეიდან გაშვებულმა ბალისტიკურმა რაკეტამ უკვე მეორედ გადაუფრინა იაპონიას. ამის შესახებ ინფორმაცია იაპონიის მთავრობამ გაავრცელა . რაკეტამ ჯერ კუნძულ ჰოკაიდოს გადაუფრინა, შემდეგ კი წყნარ ოკეანეში ჩავარდა.