ისრაელის პრემიერ-მინისტრ ბენიამინ ნეთანიაჰუს ბუენოს-აირესში საპროტესტო აქციით დახვდნენ. დემონსტრანტები ისრაელის მთავრობის მეთაურს პალესტინელების მასობრივ ხოცვაში ადანაშაულებენ. Reuters-ის ცნობით, აქცია ისრაელის საელჩოს წინ გაიმართა. ბუენოს-აირესში ოფიციალური ვიზიტით ჩასულმა ბენიამინ ნეთანიაჰუმ პრეზიდენტ მაურისიო მაკრისთან შეხვედრისას აღნიშნა, რომ თავდასხმა 1992 წელს ისრაელის საელჩოზე და 1994 წელს ბუენოს-აირესში მდებარე ებრაელთა ცენტრზე ირანმა განახორციელა. თავდასხმას 80 ადამიანი ემსხვერპლა.

არგენტინის სასამართლომ 1995 წელს თავდასხმაში დამნაშავედ ირანი ცნო, თუმცა სამხილის ნაკლებობის გამო, არავინ გაუსამართლებიათ. ოფიციალური თეირანი ბრალდებას დღემდე კატეგორიულად უარყოფს.