სახალხო დამცველი შრომის უსაფრთხოებასთან დაკავშირებით საინფორმაციო კამპანიას იწყებს.
კამპანიის ფარგლებში ჩატარდება სემინარები, მომზადდება საინფორმაციო მასალა და გაიმართება შეხვედრები მოსახლეობასთან.
ომბუდსმენის აპარატში აცხადებენ, რომ ქვეყანაში შრომის უსაფრთხოების დაცვაზე ზედამხედველობის განმახორციელებელი უსაფრთხო ორგანო ამ დრომდე არ არსებობს.
ჯანდაცვის სამინისტროს ინსპექტირების დეპარტამენტს მონიტორინგის ჩატარების უფლება მხოლოდ დასაქმებულთა თანხმობის შემთხვევაში აქვს, გაცემული რეკომენდაციების შესრულება კი სავალდებულო არ არის.
სახალხო დამცველის აზრით, წარმოებისას მომხდარი უბედური შემთხვევების თავიდან ასაცილებლად ერთ-ერთი ეფექტური გამოსავალი მხოლოდ სისხლის სამართლის საქმის აღძვრა და შესაბამისი გამოძიებაა.
უჩა ნანუაშვილმა პარლამენტში მიმდინარე საკანონმდებლო ცვლილებებიც შეაფასა. მან იმედი გამოთქვა რომ კანონპროექტის განხილვა პარლამენტში გაგრძელდება და მიღებული ცვლილებები მეტად იქნება მორგებული დასაქმებულთა უფლებებზე.