სტრასბურგის სასამართლოს გადაწყვეტილება ცნობილია. ადამიანის უფლებათა ევროპულმა სასამართლომ სახელმწიფოს მოქალაქე ნიკოლოზ მირზაშვილის სასარგებლოდ თანხის გადახდა დააკისრა.

2005 წელს ყაჩაღობის მუხლით დაკავებულმა მირზაშვილმა რუსთავის ციხეში არასათანადოდ მკურნალობის შესახებ საჩივარი გაგზავნა, რომელიც ევროკონვენციის მესამე მუხლის დარღვევას ეხებოდა.

მოსარჩელე 3 მილიონი ევროს გადახდას ითხოვდა. თუმცა სტრასბურგის სასამართლომ კომპენსაციის გადახდის მოთხოვნა ნაწილობრივ გაითვალისწინა. მატერიალური ზიანისთვის სახელმწიფოს 333 ევროს გადახდა, ხოლო არამატერიალური ზიანისთვის 4500 ევროს გადახდა დააკისრა.