„ქრონიკა პლუსის“ რედაქტორმა ელისო კილაძემ პარლამენტის იურიდიულ საკითხთა კომიტეტის თავმჯდომარეს ეკა ბესელიას მორალური ზიანის ასანაზღაურებლად 1500 ლარი უნდა გადაუხადოს.

ამის შესახებ გადაწყვეტილება საქალაქო სასამართლოს მოსამართლემ მიიღო, რომელმაც ბესელიას სარჩელი ნაწილობრივ დააკმაყოფილა.

ეკა ბესელია „რუსთავი 2“-ის ეთერში 2015 წელს გასულ ინფორმაციას ცილისწამებად მიიჩნევდა. ელისო კილაძე აცხადებდა, რომ ბესელიამ ნარკოდანაშაულში ბრალდებულები პოლიტიკურ პატიმართა სიაში შეიყვანა და გარკვეული გასამრჯელოც მიიღო.

სასამართლომ მიიჩნია, რომ ელისო კილაძის ინფორმაცია ფაქტებს არ ეყრდნობოდა და მის პირად მოსაზრებას წარმოადგენდა.