ბრიტანელი ვარსკვლავის ელტონ ჯონის კონცერტები საქართველოში წელს აღარ გაიმართება და ისინი 2018 წლის 30 ივნისისა და პირველი ივლისისთვისაა გადადებული. ამის შესახებ ჟურნალისტებს SOLO-ში განუცხადეს. მათი თქმით, შესაბამისი ხელშეკრულებები უკვე გაფორმებულია და ეს მომავალ წელს ელტონ ჯონის ერთადერთი კონცერტი იქნება ევროპაში. მათივე ინფორმაციით, კონცერტები ელტონ ჯონის ჯგუფის ერთ-ერთი წევრის ჯანმრთელობის მდგომარეობის გამო გადაიდო.
კონცერტები „ბლექ სი არენაზე“ 16-17 სექტემბერს იყო დაგეგმილი.
სექტემბერში დაგეგმილი კონცერტების გადადების შესახებ ინფორმაცია პირველ არხს რამდენიმე დღის წინ მიაწოდეს, რის შესახებაც ორგანიზატორებმა განმარტეს, რომ კონცერტები გადაიდებოდა, თუმცა ზუსტი თარიღის შესახებ უახლოეს დღეებში გახდებოდა ცნობილი.