ხანძრის ძირითადი კერები ლოკალიზებულია სოფელ შილდას მიმდებარედ.
ტყის მასივში სტიქიას მაშველებთან ერთად, მეტყევეები და მოხალისეები ებრძვიან.
სამუშაოებში დილიდან ჩართულია ავიაცია. შედარებით მძიმე ვითარებაა ხანძრის სხვა ლოკაციებზე.
ცოცხალ ძალასთან ერთად, სოფელ ართანას, ფშაველისა და ხახობოს ტყის თავზე ოთხი ვერტმფრენი მუშაობს. თუშეთში სალიკვიდაციო ღონისძიებებს რთული რელიეფი უშლის ხელს.
სტიქიის ზონაში ძლიერი ქარის გამო ცეცხლი სწრაფად ვრცელდება. მეხანძრე-მაშველებს ცეცხლის კერებამდე მისვლა უჭირთ კოხტას ფერდობზეც. ორი ქართული და ორი ირანული საფრენი აპარატები ინტენსიურ სამუშაოებს განაგრძობენ.
შექმნილია საგანგებო შტაბიც, რომელიც სალიკვიდაციო ღონისძიებებს უწევს კოორდინირებას.
მარიამ სეთურიძე მოგვაწვდის ბოლო ინფორმაციას სტიქიის ზონიდან.