ატვირთვა
ავტორიზაცია რეგისტრაცია

დონალდ ტრამპის განცხადება

გაზიარება შექმენი ლუპი
აგვისტო 2, 2017
158
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

მე მხარს ვუჭერ იმის ნათელ დადასტურებას, რომ ჩვენ ვიქნებით მოკავშირეებისა და მეგობრების გვერდით, რუსეთის დესტაბილიზაციისა და ძირგამომთხრელი საქმიანობის წინააღდეგ, - ამის შესახებ ამერიკის შეერთებული შტატების პრეზიდენტის, დონალდ ტრამპის განცხადებაშია ნათქვამი, რომელიც თეთრი სახლის ვებგვერდზე რამდენიმე წუთის წინ გამოქვეყნდა.

აშშ-ის პრეზიდენტის მის მიერ ხელმოწერილ სანქციების აქტზე და გადაწყვეტილების მოტივებზე საუბრობს.

„დღეს მე ხელი მოვაწერე ამერიკის მოწინააღმდეგეებისთვის სანქციების დაწესების გზით წინააღმდეგობის შესახებ აქტს, რომელიც ახალ სანქციებს უწესებს ირანს, ჩრდილოეთ კორეას და რუსეთს. მე მხარს ვუჭერ მკაცრ ზომებს, რათა დავსაჯოთ და შევაჩეროთ ურჩი რეჟიმები, თეირანი და ფხენიანი. მე ასევე მხარს ვუჭერ იმის ნათელ დადასტურებას, რომ ამერიკა არ შეეგუება ჩვენს დემოკრატიულ პროცესებში ჩარევას, რომ ჩვენ ვიქნებით მოკავშირეებისა და მეგობრების გვერდით რუსეთის დესტაბილიზაციისა და ძირგამომთხრელი საქმიანობის წინააღდეგ“, - აცხადებს ტრამპი.

აშშ-ის პრეზიდენტი აღნიშნავს, რომ აქტი სერიოზულ ხარვეზებს შეიცავს. პრეზიდენტი უკმაყოფილოა იმ ფაქტით, რომ აღმასრულებელი ხელისუფლების წარმომადგენლებს მოლაპარაკებების პროცესში ხელი ეშლებათ.

პრეზიდენტი აცხადებს, რომ მიუხედავად ამ პრობლემებისა, ეროვნული ერთიანობის მიზნით, აქტს ხელს აწერს.

„ეს გამოხატავს ამერიკელი ხალხის სურვილს, იხილონ, რომ რუსეთი დგამს ნაბიჯს აშშ-სთან ურთიერთობის გასაუმჯობესებლად. ვიმედოვნებთ, ორ ქვეყანას შორის ძირითად გლობალურ საკითხებზე თანხმობა იქნება, რათა ეს სანქციები აღარ იყოს საჭირო“, - ამბობს ტრამპი.

შეგახსენებთ, ამერიკის შეერთებული შტატების პრეზიდენტმა, დონალდ ტრამპმა რუსეთის წინააღმდეგ სანქციების დაწესების აქტს ხელი მოაწერა. ტრამპის მიერ ხელმოწერილ კანონში საქართველო რამდენჯერმეა ნახსენები.

მაჩვენე მეტი