საქართველოს ეროვნულ ლიგაში ორი შეხვედრა გაიმართა. გათამაშების ლიდერმა თბილისის „დინამომ“ მიხეილ მესხის სახელობის სტადიონის სათადირიგო მოედანზე „ლოკომოტივთან“ 3:1 წააგო.

მეჩვიდმეტე წუთზე ვატო არველაძემ „ლოკომოტივი“ დააწინაურა. რვა წუთში მიქელთაძის ზუსტი თერთმეტმეტრიანით ანგარიში გათანაბრდა. მეორე ტაიმში ვატო არველაძემ მეორედ შეძლო „დინამოს“ კარში გატანა.

საბოლოო ანგარიში 3:1, 82-ე წუთზე გიორგი ხიდეშელმა დააფიქსირა.

ფრედ 0:0 დასრულდა ფოთის „კოლხეთისა“ და „საბურთალოს“ შეხვედრა, რომელიც სამტრედიაში გაიმართა.

მეოცე ტურის ბოლო ორი შეხვედრა ხვალ ჩატარდება. ბათუმში ქობულეთის „შუქურა“-ქუთაისის „ტორპედოს“ მიიღებს, გორში კი ადგილობრივი „დილა“ ბათუმის „დინამოს“ დაუპირისპირდება. ამ მატჩის პირდაპირ რეპორტაჟს 18 საათზე, საზოგადოებრივი მაუწყებლის პირველი არხი შემოგთავაზებთ.