საქართველოს საფეხბურთო ეროვნულ ლიგაში, დღეს, მეხუთე ტურის ერთი შეხვედრა უკვე დასრულდა.

ჩელე არენაზე ერთმანეთს ბათუმის დინამო და ქობულეთის შუქურა შეხვდნენ. პირველი გოლი 39-ე წუთზე გავიდა. მისი ავტორი ბათუმელთა კაპიტანი, ვალერიან თევდორაძეა.

აღსანიშნავია, რომ თევდორაძემ ზედიზედ მეორე შეხვედრაში მოახერხა გოლის გატანა. მატჩის მიწურულს კი, შეცვლაზე შესულმა თეიმურაზ შონიამ ბათუმის დინამოს 2-0 მოაგებინა.

ამ წარმატების შემდეგ, აჭარულმა კლუბმა 9 ქულა მოაგროვა და ჯერჯერობით მეორე ადგილზე იმყოფება.

ამ წუთებში დინამო არენაზე, თბილისის დინამოს და საჩხერის ჩიხურას მატჩი მიმდინარეობს. პირველი ტაიმის შემდეგ ანგარიშია 1:1.

მეხუთე ტურს ლოკომოტოვის სტადიონზე გასამართი თამაში დაასრულებს, სადაც ლიდერი საბურთალო მოქმედ ჩემპიონს, სამტრედიას უმასპინძლებს.