"ცენტრ-პოინტ" მაგნოლიას ეპიზოდზე დღეს დაცვის მხარის მოწმეები დაიკითხებიან. როგორც პროკურორმა განაცხადა, საქმის არსებითი განხილვა დასასრულს უახლოვდება. დავით გუმბერიძის თქმით, დაცვის მხარის მტკიცებულებების გამოკვლევა სექტემბრის ბოლოს უნდა დასრულდეს.

"დღეს დაცვის მხარის მოწმეები უნდა დაიკითხონ, თუ მოახერხეს და მოიყვანეს, რადგან სამი თვეა ეს პროცესი იწელება, თუმცა, დაცვის მხარემ მტკიცებულებათა გამოკვლევისთვის ვადა სექტემბრის ბოლომდე მოითხოვა. შესაბამისად, ამის შემდეგ უკვე დასკვნითი სიტყვა უნდა თქვან და განაჩენიც დადგეს",- განაცხადა დავით გუმბერიძემ.