"ცენტრ პოინტ მაგნოლიას" საქმის განხილვა დაცვის მხარის მოთხოვნით დღესაც გადაიდო.
სხდომის გადადების მიზეზი ადვოკატის გამოუცხადებლობა გახდა.
როგორც მოსამართლე მაია შოშიაშვილმა განაცხადა, ჯერჯერობით ადვოკატს სხდომის გაცდენის საპატიო მიზეზი აქვს.
მისივე ინფორმაციით, ადვოკატი ხუთშაბათს, 13 აპრილის სხდომას დაესწრება.
სხდომაზე ბრალდებულმა გურამ რჩეულიშვილმა დააყენა შუამდგომლობა საქმის განხილვა ორი კვირით გადაიდოს. რჩეულიშვილმა ამის მიზეზად მამის, ვახტანგ რჩეულიშვილის ჯანმრთელობის მძიმე მდგომარეობა დაასახელა, ასევე აღნიშნა, რომ საპროცესო შეთანხმების გაფორმებასთან დაკავშირებით აპირებს მუშაობის დაწყებას.
სხდომის გადადებას დარბაზში მყოფ დაზარალებულ მენაშენეთა უკმაყოფილება მოყვა. დაზარალებულები და ბრალდების მხარე პროცესების ხელოვნურად გაჭიანურებაზე საუბრობენ.