საქართველოში უკრაინის პირველი პირის პირველი ოფიციალური ვიზიტი იწყება. პეტრო პოროშენკოს თვითმფრინავს თბილისის საერთაშორისო აეროპორტში ამ წუთებში ელოდებიან.
პრეზიდენტი, პრემიერი, პარლამენტის თავმჯდომარე: ხელისუფლების პირველ პირებთან შეხვედრების გარდა დაგეგმილია საოკუპაციო ხაზთან მისვლა.
პოროშენკო, რომლის ქვეყანა თავად გახდა რუსეთის საოკუპაციო და ანექსიური პოლიტიკის მსხვერპლი, გორის რაიონის სოფელ ხურვალეთში ჩავა და პირადად ნახავს რუსული ოკუპაციის მძიმე შედეგებს.
სამდღიანი ვიზიტის დროს განსაკუთრებული ყურადღება დაეთმობა ეკონომიკური საკითხების განხილვასაც. უკრაინის პრეზიდენტს ბიზნესმენთა ჯგუფიც მოჰყვება, რომელიც პოროშენკოსთან ერთად თბილისსა და ბათუმში დაგეგმილ ბიზნეს და საინვესტიციო ფორუმებში მიიღებს მონაწილეობას.
გურამ როგავა განავრცობს თემას.