საჯარო ბაგა-ბაღებში რეგისტრაციის მეორე ეტაპი დაიწყო. სააგენტოს ვებგვერდზე მშობლებს სპეციალური ფორმების შევსების საშუალება დღეს პირველი საათიდან ექნებათ.

თბილისის ბაგა-ბაღების მართვის სააგენტოს ხელმძღვანელ თემურ თორდინავას განცხადებით, დღეიდან რეგისტრაცია იმ ბავშვებს შეეძლებათ, რომელთაც პირველ ეტაპზე რეგისტრაცია არ გაუვლიათ.

ბაგა-ბაღების სააგენტოს ინფორმაციით, წელს თავისუფალი ადგილების რაოდენობა გაზრდილია და 13 ათასს აღწევს.

შეგახსენებთ, რომ პირველ ეტაპზე საიტზე დარეგისტრირების საშუალება მხოლოდ გარკვეული კატეგორიის ოჯახებს ჰქონდათ, ასევე - ჩვილ ბავშვთა სახლის ბენეფიციარებს და იმ ოჯახებს, რომელთა და-ძმები საბავშვო ბაღებში უკვე დადიან.