თბილისის საქალაქო სასამართლოში გივი თარგამაძის ავტომანქანის აფეთქების საქმეზე წინასასამართლო სხდომა გაიმართა.
მოსამართლემ საქმეზე ბრალდებული დარჩო ხეჩუაშვილი პატიმრობაში დატოვა, რომელიც ძებნაშია.
ბრალდების მხარემ სასამართლოს მოპოვებული მტკიცებულების ნუსხა წარუდგინა. პროკურატურამ ხეჩუაშვილის მიმართ აღკვეთის ღონისძიებად კვლავ პატიმრობა მოითხოვა, რადგან როგორც პროკურორმა სასამართლოზე განმარტა, ხეჩუაშვილი ამ დრომდე მიმალვაშია და აქტიური მუშაობა მიმდინარეობს მისი ადგილსამყოფელის დასადეგნად.
პროკურატურას არ დაეთანხმა დაცვის მხარე, ხეჩუაშვილის უფლებადამცველის თქმით, ხეჩუაშვილი მოსკოვშია სამუშაოდ წასული და მისი დაცვის ქვეშ მყოფისთვის პატიმრობის გაუქმებას ითხოვს.
გივი თარგამაძე კი შინაგან საქმეთა სამინისტროს ხეჩუაშვილზე ინტერპოლით ძებნის გამოცხადებისკენ მოუწოდებს.