თბილისის ოლიმპიურ სასახლეში 8-20 აგვისტოს ხელბურთში ჭაბუკთა მსოფლიოს ჩემპიონატი გაიმართება. აღნიშნულ ტურნირთან დაკავშირებით ხელბურთის საერთაშორისო ფედერაციის სამუშაო დელეციამ დასკვნითი საინსპექციო ვიზიტი გამართა. თბილისში 24 გუნდი ჩამოვა. საქართველოს ნაკრების მიზანი ჯგუფური ეტაპის დაძლევა და საუკეთესო 16 გუნდს შორის მოხვედრაა.

ჩვენი გუნდის მეტოქეები ბე ჯგუფში არიან: გერმანიის,ისლანდიის, იაპონიის, ალჟირისა და ჩილეს გუნდები. მსოფლიოს ჩემპიონატის მსვლელობისას თბილისში ხელბურთის საერთაშორისო ფედერაციის საბჭოს სხდომა გაიმართება, რომელსაც მსოფლიო ხელბურთის მაღალჩინოსნები დაესწრებიან. საქართველოს ხელბურთის ფედერაციამ ჭაბუკთა მსოფლიოს ჩემპიონატის მასპინძლობის უფლება 2013 წელს მოიპოვა.