თბილისის ოლიმპიურ სასახლეში დღეს სტარტი აიღო ზამთრის თასის გათამაშებამ დარბაზის ფეხბურთში. ტურნირში ოთხ ჯგუფად დაყოფილი 16 ქართული გუნდი მონაწილეობს.

ჯგუფური ეტაპის მატჩები ორ დღეს გაგრძელდება, კვირას კი ნახევარფინალები და ფინალი გაიმართება. “ა” ჯგუფში სამივე შეხვედრა მოიგო გაგრამ, რომელმაც ქუთაისის "ტორპედოს", "შევარდენს" და გორის "დილას" აჯობა და ნახევარფინალის საგზური გაინაღდა.

შეგახსენებთ, რომ კვირას გულშემატკივრებს საქართველოს, ესპანეთის, უკრაინის, აჯერბაიჯანის და თურქეთის საფეხბურთო ვარსკვლავების მატჩების ხილვა შეეძლებათ, თავისი გუნდი ეყოლება უეფასაც.

საზოგადოებრივი მაუწყებლის პირველი არხი 15 იანვარს, 18 საათსა და 30 წუთიდან ფინალის პირდაპირ რეპორტაჟს შემოგთავაზებთ.