იაპონიაში სტარტი აიღო მსოფლიოს საკლუბო ჩემპიონატმა ფეხბურთში. დღეს პირველი მეოთხედფინალისტი გუნდი გამოვლინდა.

მასპინძელმა "კაშიმა ანტლერსმა" ოკაენეთის წარმომადგენელი "ოკლენდ სიტი" ანგარიშით 2-1 დაამარცხა და მომდევნო ეტაპის საგზური მოიპოვა.

იაპონელები მეოთხედფინალში აფრიკის საუკეთესო კლუბს "მამელოდი სანდაუნზს" დაუპირისპირდებიან.

მეორე მეოთხედფინალში ურთიერთობას მექსიკური "ამერიკა" და სამხრეთკორეული "ჩონბუკი" გაარკვევენ.

ამ წყვილში გამარჯვებული ნახევარფინალში კოლუმბიის "ატლეტიკო ნასიონალს" შეხვდება, ხოლო მადრიდის "რეალი", "კაშიმას" და "მამელოდის" შორის უძლიერესს დაელოდება.

შეგახსენებთ, რომ ტურნირის ნახევარფინალურ და ფინალურ მატჩებს, საზოგადოებრივი მაუწყებელი პირდაპირ ეთერში 14, 15 და 18 დეკემბერს შემოგთავაზებთ.