საქართველოდან გაუჩინარებული აზერბაიჯანელი ჟურნალისტის საქმე ორი ქვეყნის ფარგლებს სცდება.
ევროპარლამენტი ოფიციალურ თბილისს ობიექტური გამოძიებისკენ, ბაქოს კი დაკავებულის სასწრაფო გათავისუფლებისკენ მოუწოდებს.
გატაცება - ასეა შეფასებული აფგან მუხტარლის საქმე რეზოლუციაში, რომელიც სტრასბურგში გამართულ სესიაზე ხმათა უმრავლესობით მიიღეს.
კენჭისყრას წინ პოლიტიკური დებატები უძღოდა. დეპუტატების ტონი მწვავე იყო. გამომსვლელებმა აზერბაიჯანში მედიის და ადამიანის უფლებების დაცვის მხრივ არსებული სიტუაცია გააკრიტიკეს.
დაისვა კითხვაც: როგორ აღმოჩნდა 29 მაისს მუხტარლი თბილისიდან ბაქოში და აქვთ თუ არა საქმესთან ქართველ სამართალდამცავებს კავშირი.
რეზოლუციის დამტკიცებას აზერბაიჯანელი ჟურნალისტის მეუღლეც ესწრებოდა.
ქეთევან ქარდავა განავრცობს თემას სტრასბურგიდან.