საქართველოს პრეზიდენტი ასტანაში შეხვედრებს განაგრძობს. ვიზიტის ფარგლებში, გიორგი მარგველაშვილი ყაზახეთის პრემიერ-მინისტრს, ბაკიტჟან საგინტაევს შეხვდა.
მხარეებმა სავაჭრო-ეკონომიკური და პოლიტიკური თანამშრომლობის გაღრმავების შესაძლებლობები განიხილეს. საქართველოს პრეზიდენტმა ყაზახეთის პრემიერს დეტალური ინფორმაცია მიაწოდა საქართველოს ოკუპირებულ ტერიტორიებზე შექმნილი ვითარების შესახებ, ადამიანის უფლებების დარღვევის ფაქტებზე და აღნიშნა, რომ რუსეთის ფედერაცია განაგრძობს მავთულხლართების გავლებას.
საქართველოს დელეგაციის წევრები ამბობენ, რომ შეხვედრებს ეკონომიკური შედეგებიც უნდა მოჰყვეს. კერძოდ, საუბარი შეეხო შემცირებული ტვირთბრუნვის გაზრდის პერსპექტივებს.
ასევე, საქართველოს სატრანზიტო პოტენციალის ათვისების შესაძლებლობებს. გიორგი მარგველაშვილი ყაზახეთში ოფიციალური ვიზიტის ფარგლებში ქვეყნის პოლიტიკურ ხელმძღვანელებს შეხვდა და გამოფენის ექსპო-2017-ის ფარგლებში საქართველოს პავილიონი დაათვალიერა.