საქართველოს საპარლამენტო დელეგაცია ვაშინგტონში შეხვედრებს განაგრძობს. ქართველი დეპუტატები კონგრესმენებს, წარმომადგენელთა პალატასთან არსებული „დემოკრატიის პარტნიორობის პალატის“ თავმჯდომარესა და პალატის თავმჯდომარის მოადგილეს შეხვდნენ.

მხარეებმა საქართველოში განხორციელებულ და მიმდინარე დემოკრატიულ რეფორმებზე ისაუბრეს და ორ ქვეყანას შორის თანამშრომლობის საკითხები განიხილეს. მათ შორის ეკონომიკური და სავაჭრო ურთიერთობების გაფართოება და საკანონმდებლო ორგანოებს შორის თანამშრომლობის გაღრმავება.