ატვირთვა
ავტორიზაცია რეგისტრაცია
914 756
ნახვა
62
ხელმომწერი
192
ვიდეო

ავთანდილ ხურციძის ახლობლები: ავთო ამერიკის შეერთებულ შტატებში გუშინ გაფრინდა - იმედი გვაქვს, სახელისა და გვარის დამთხვევაა

გაზიარება შექმენი ლუპი
ივნისი 8, 2017
5 352
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
0 - მომწონს
4 - არ მომწონს

ქართველი მოკრივის ავთანდილ ხურციძის მეგობარი იოსებ კობერიძე აცხადებს, რომ ხურციძემ, რომლის გვარიც ამერიკის შეერთებული შტატების იუსტიციის სამინისტროს მიერ გავრცელებულ ინფორმაციაში ფიგურირებს, საქართველო გუშინ დატოვა.

იოსებ კობერიძე იმედოვნებს, რომ ამ შემთხვევაში, სახელისა და გვარის მხოლოდ და მხოლოდ დამთხვევაა.

„გუშინ გაფრინდა ავთო ამერიკის შეერთებულ შტატებში. ჩვენი ვარაუდით, ამ დილას ჩაფრინდებოდა. იმედი მაქვს, რომ უბრალოდ სახელისა და გვარის დამთხვევაა. ავთოს კავშირი კრიმინალურ სამყაროსთან, ჩემთვის წარმოუდგენელია. არსებობს ვერსიაც, რომ ბიჭები ცუდ დროს, ცუდ მასაში მოყვნენ“, - განაცხადა სპორტსმენის მეგობარმა.

ავთანდილ ხურციძის დედის მაყვალა ხურციძის განცხადებით კი, მათ ამ დრომდე არავინ დაკავშირებია.

„საელჩოში მივიდა გუშინწინ დილას, ვიზა ჩაურტყეს და უთხრეს ამერიკაში უნდა წახვიდეო. იქიდან მოუვიდა ბილეთი და გუშინ, გამთენიისას, 04:00 საათზე წავიდა. სხვა ინფრომაციას არ ვფლობთ“, - განაცხადა ხურციძის დედამ.

ნიუ-იორკში 33 ადამიანს, მათ შორის, ქართული კრიმინალური სამყაროს 15 წარმომადგენელს, რუსული კრიმინალური სინდიკატის წევრობისთვის ბრალი წაუყენეს.

დაკავებულ ქართველებს შორის სავარაუდოდ, სპორტსმენები ავთანდილ ხურციძე და ლევან მაყაშვილი არიან. ავთანდილ ხურციძე WBO-ს ვერსიით მსოფლიოს ჩემპიონია, ლევან მაყაშვილი კი, შერეული ორთაბრძოლების UFC-ს მებრძოლი.

მაჩვენე მეტი
ტეგები : #news #პოლიტიკა #სპორტი #აშშ #ინფო9 #ტორნადო #ხურციძე #მოკრივე #ავთანდილ ხურციძე #მშობლები