პირველი ივნისი, 2017
• აზერბაიჯანის რეჟიმის კრიტიკოსი ჟურნალისტის, აფგან მუხთარლის თბილისიდან ბაქოში გატაცების შესახებ ცნობებმა გააღრმავა ვარაუდები, რომ საქართველო ავტორიტარი მეზობლების ნებას ემორჩილება და არღვევს ადამიანთა ფუნდამენტურ უფლებებს.
• მით უფრო, რომ საქართველოში განცდილი დევნის და შევიწროების შესახებ მუხთარლის დაპატიმრებამდეც ლაპარაკობდნენ აზერბაიჯანის რეჟიმს გამოქცეული მოქალაქეები.
• პატიმრობაშია თურქეთის მოქალაქე, თბილისში დემირელის სახელობის კერძო კოლეჯის მენეჯერი მუსტაფა ემრე ჩაბუქი - უფლებადამცველების თქმით, ის თურქეთის ხელისუფლების მოთხოვნით დააკავეს და ექსტრადიციის შემთხვევაში მას უფლებების დარღვევა ემუქრება.
• რასთან გვაქვს საქმე - რატომ ვერ იცავს საქართველო თავის სუვერენულ ტერიტორიაზე მცხოვრებ, ავტორიტარულ რეჟიმებთან დაპირისპირებულ ადამიანებს? რამდენად რეალისტურია „გამოძიების შედეგების“ ლოდინი, თუკი მუხთარლის გატაცებაში საქართველოს სპეცსამსახურები უშუალოდ იყვნენ ჩართულნი?
• ასეთი მოვლენების ფონზე, რამდენად შეძლებს საქართველო კვლავაც მოიწონოს თავი, როგორც შედარებით დემოკრატიულმა სახელმწიფომ ავტორიტარული ქვეყნებით გარშემორტყმულ რეგიონში?
გადაცემა ინტერVIEW-ს მორიგ გამოშვებაში სალომე ასათიანი ამ და სხვა საკითხებზე ესაუბრება ნიკოლოზ ლეგაშვილს - იურისტს, თბილისის ადამიანის უფლებათა სახლის გამგეობის ამჟამინდელ თავმჯდომარეს და ორგანიზაცია „კონსტიტუციის 42-ე მუხლის“ აღმასრულებელ დირექტორს.