მძიმე დანაშაულში ბრალდებული დეკანოზი სასამართლო პროცესებს შესაძლოა აღარ დაესწროს. მოსამართლის გადაწყვეტილებით, რეზონანსული საქმის არსებითი განხილვა დახურული იქნება.
პროკურორის შუამდგომლობის დაკმაყოფილების შემდეგ მამა გიორგი მამალაძემ და მისმა ადვოკატებმა პროცესი პროტესტის ნიშნად დატოვეს. სხდომა ჩაიშალა.
ბოიკოტის შემდეგ ბრალდებულს სახაზინო ადვოკატი დაუნიშნეს, რაც დაცვის მხარისთვის მიუღებელია.
მწვავე განცხადებები სასამართლო დარბაზში ბრალდებულის წასვლამდეც ისმოდა. მამა გიორგი მამალაძემ სამართალდამცავები პროცედურულ დარღვევებში დაადანაშაულა.
რეაქციები მოჰყვა პროკურორის მიერ ნახსენებ პერსონალურ ინფორმაციასაც, რაც სხდომების დახურვის ერთ-ერთ მოტივად დასახელდა.
რა არგუმენტით ხსნის სასამართლო სახაზინო ადვოკატის დანიშვნას - თეონა ხუბულავა დეტალებით.