ბოსტონ სელტიქსი აღმოსავლეთ კონფერენციის პლეი-ოფის პირველ რაუნდში, ჩიკაგო ბულზს საერთო სერიაში 3-2 ამარცხებს.

შეგახსენებთ, რომ ბოსტონელებმა საწყისი ორი საშინაო შეხვედრა წააგეს, თუმცა შემდეგ ზედიზედ სამ თამაშში შესძლეს გამარჯვების მოპოვება.

დღეს გამართული მეხუთე დაპირისპირება საკმაოდ თანაბრად დაიწყო და სოლიდური სხვაობით დაწინაურებას ვერცერთი გუნდი ვერ ახერხებდა. გადამწყვეტი თამაშის ბოლო მეოთხედი გამოდგა, რომელშიც მასპინძლებმა 29-16 გაიმარჯვეს.

სელტიქსის შემადგენლობაში 24-24 ქულით, ევერი ბრედლი და აიზია ტომასი გამოირჩნენ. ჩიკაგო ბულზში კი 26 ქულა, 11 მოხსნა და 8 ზუსტი პასი დუეინ უეიდმა მოაგროვა.

საბოლოოდ ბოსტონმა 108-97 დაამარცხა მოწინააღმდეგე და მომდევნო ეტაპზე მოსახვედრად ერთი შეხვედრის მოგება სჭირდება. წყვილის მეექვსე მატჩს, ზეგ, ჩიკაგოს იუნაიტედ ცენტრი უმასპინძლებს