დორტმუნდის ბორუსია გერმანიის თასის ფინალში ითამაშებს. დორტმუნდელებმა გუშინ უმთავრეს მეტოქეს მიუნხენის ბაიერნს მისსავე ალიანს არენაზე აჯობეს. ნახევარფინალური მატჩი უაღრესად საინტერესო და დაძაბული გამოდგა. ბორუსია მე-19 წუთზე მარკო როისმა დააწინაურა. მასპინძლებმა მალევე გაათანაბრეს, თავი ხავი მარტინესმა გამოიჩინა, ხოლო პირველი ტაიმის მიწურულს, ბავარიელებმა წინა გასვლა მოახერხეს, ფრანკ რიბერის გადაცემის შემდეგ, ზუსტად მატს ჰუმელსმა დაარტყა.

არანაკლებ საინტერესო გამოდგა, თამაშის მეორე ნახევარი, რომელშიც გოლები მხოლოდ სტუმრებმა გაიტანეს. 5 წუთის ინტერვალში, პიერ ემერიკ ობამეიანგმა და ოსმან დემბელემ აიღეს ულრაიხის კარი.

დარჩენილ დროში მიუნხენელთა არაერთი მცდელობის მიუხედავად, ანგარიში აღარ შეცვლილა, დორტმუნდის ბორუსიამ 3-2 გაიმარჯვა და ფინალის საგზური მოიპოვა. ტომას ტუხელის გუნდი ფინალში 27 მაისს, ოლიმპიაშტადიონზე ფრანკფურტის აინტრახტს დაუპირისპირდება.