ანტიკორუფციული საბჭოს სხდომაზე განახლებული ანტიკორუფციული სტრატეგია და სამოქმედო გეგმა დამტკიცდა.
საბჭოს სამდივნომ მონიტორინგის ანგარიშებიც წარადგინა. ანტიკორუფციული სტრატეგია და სამოქმედო გეგმა მომზადებულია სახელმწიფო უწყებების, არასამთავრობო ორგანიზაციებისა და საერთაშორისო მისიების რეკომენდაციების გათვალისწინებით.
ახალ სტრატეგიულ დოკუმენტებში ასახულია ევროპის საბჭოს კორუფციის წინააღმდეგ მებრძოლ სახელმწიფოთა ჯგუფის და არასამთავრობო ორგანიზაციების რეკომენდაციები.
ახალი სამოქმედო გეგმა ითვალისწინებს, საჯარო სამსახურში სამართლიანი ანაზღაურების სისტემის დანერგვას; ანტიკორუფციულ საკითხებზე საზოგადოებასთან ურთიერთობის სტრატეგიის შემუშავებას; პროკურორთა ანაზღაურებისა და წახალისების გამჭვირვალეობას, ჯანმრთელობის დაცვის სახელმწიფო პროგრამების ადმინისტრირების მექანიზმების დახვეწას; მუნიციპალიტეტებში სამოქალაქო მრჩეველთა საბჭოს გაძლიერებას.