ელისო კილაძემ მისი შვილის, დავით ხარშილაძის საქმესთან დაკავშირებით ახალი დეტალები გაასაჯაროვა, კერძოდ ფირი, სადაც, კილაძის თქმით ირკვევა, რომ ოქმში მოცემული ფაქტები სიმართლეს არ შეესაბამება.

გაზეთ "ქრონიკა +"-ის რედაქტორის მტკიცებით, ვიდეოში ჩანს, თუ როგორ იცმევს პოლიციის თანამშრომელი ზაქარია ვასაძე მწვანე ხელთათმანს და მანქანიდან სავარაუდოდ ნარკოტიკულ ნივთიერებას იღებს, რომელიც დავით ხარშილაძეს ჩაუდეს.

ფირზე ასევე ჩანს, რომ ადგილზე 12 პოლიციელი იმყოფება, ოქმში კი მხოლოდ 3-ია მითითებული.

ვიდეო მოწმემ გადაიღო, რომელიც 3 საათზე პროკურატურაშია დაბარებული.