თარიღი გარკვეულია - პრეზიდენტი პარლამენტს ყოველწლიური მოხსენებით 7 აპრილს მიმართავს. უკვე ცნობილია გზავნილები, რომლებსაც გიორგი მარგველაშვილი საკანონმდებლო ორგანოს ტრიბუნიდან გააჟღერებს.

როგორც ყოველ წელს, საპარლამენტო ოპოზიციის მოთხოვნა ამჯერადაც უცვლელია. დებატები თუ ფრაქციების ხელმძღვანელების სიტყვით გამოსვლები - ფორმატის გარშემო კონსულტაციები დაწყებულია.

რეგლამენტის მიხედვით, პრეზიდენტის საპარლამენტო მიმართვა საგაზაფხულო სესიის პირველივე სხდომაზეა გათვალისწინებული, თუმცა თავის დროზე გამოსვლა გიორგი მარგველაშვილის თხოვნით გადაიდო.