პრეზიდენტი პარლამენტის წინაშე ყოველწლიური მოხსენებით წარდგა. გიორგი მარგველაშვილმა თავის გამოსვლაში რამდენიმე მნიშვნელოვან საკითხზე გაამახვილა ყურადღება, მათ შორის იყო საკონსტიტუციო ცვლილებები, პრეზიდენტის არჩევის წესი, ეკონომიკური მდგომარეობა და ქვეყნის ევროინტეგრაცია, ნატოში გაწევრიანების პერსპექტივები, რუსული საფრთხეები და ოკუპირებული ტერიტორიები, სახელმწიფო უსაფრთხოება და სტრატეგია, რეფორმები სხვადასხვა სფეროში, სასამართლო სისტემაში არსებული მდგომარეობა, მედიის თავისუფლება.
პრეზიდენტმა მმართველი გუნდი გააკრიტიკა და მათ დიალოგისკენ და ინსტიტუციური თანამშრომლობისკენ მოუწოდა.
გიორგი მარგველაშვილმა მიმართა პოლიტიკურ პარტიებსაც. მან ე.წ. მოსმენების კანონზეც ისაუბრა და განაცხადა, რომ მოქალაქეების სარჩელს უერთდება და საკონსტიტუციო სასამართლოს მეგობრის სტატუსით მიმართავს.