ბრაზილიის გენერალურმა პროკურორმა უზენაეს სასამართლოში კორუფციაში ეჭვმიტანილი მაღალჩინოსნებისა და პოლიტიკოსების წინააღმდეგ გამოძიების დაწყების შესახებ 300-მდე განაცხადი წარადგინა.

გენერალური პროკურორის განმარტებით, განაცხადები უმსხვილესი სამშენებლო კომპანია ,,ოდებრეხტის’’ თანამშრომლებისა და მენეჯმენტის ჩვენებებზეა დაფუძნებული.

კორუფციულ სკანდალში გახვეულ კომპანიასთან გამოძიება, ინფორმაციისა და მხილების სანაცვლოდ, თანამშრომლობას დათანხმდა.

ამავე კომპანიის პრეზიდენტი 800 მილიონი დოლარის ოდენობით ქრთამის გაცემის ბრალდებით 2015 წელს დააკავეს და 19 წლით თავისუფლების აღკვეთა შეუფარდეს.