სამხრეთ კორეის წამყვანი კომპანიები როგორიცაა „სამსუნგი“, „ჰიუნდაი“ და კიდევ ექვსი კომპანია კორუფციულ სკანდალში აღმოჩნდნენ გახვეული.

კანონმდებლები ქვეყნის უმსხვილესი კომპანიების ხელმძღვანელებს, პირდაპირ ეთერში უწყობენ დაკითხვას. კომპანიებს ბრალად ედებათ, რომ მათ პრივილეგიების სანაცვლოდ, მილიონობით დოლარი გადაურიცხეს ქვეყნის პრეზიდენტთან ასოცირებულ ფონდებს.

პრეზიდენტი კორუფციაშია ბრალდებული და მისი გადადგომის მოთხოვნით, ბოლო რამდენიმე კვირის მანძილზე, მასობრივი საპროტესტო აქციები მიმდინარეობს ქვეყნის დედაქალაქში. თავად კომპანიები ბრალდებას უარყოფენ.