საპარლამენტო რესპუბლიკაში პრეზიდენტი უნდა იყოს არბიტრი და არა პოლიტიკური ფიგურა. ამის შესახებ ირაკლი კობახიძემ საკონსტიტუციო კომისიის თემატური ჯგუფების სამუშაო შეხვედრაზე განაცხადა.
მისივე თქმით, პოლიტიკური სპეკულაციების თავიდან ასარიდებლად, უახლოესი საპრეზიდენტო არჩევნები პირდაპირი არჩევის წესით უნდა ჩატარდეს, თუმცა სისტემა ამის შემდგომი არჩევნებისათვის შეიცვალოს. იგეგმება პარლამენტის და პრეზიდენტის უფლება-მოვალეობების გამიჯვნა. არსებითი ცვლილება შეეხება უშიშროების საბჭოს. ის ეროვნული თავდაცვის საბჭოდ უნდა გარდაიქმნას, საბჭო არსებითად კვლავ თავდაცვის სფეროში დარჩება, თუმცა ის მხოლოდ საომარი მოქმედებების დროს ამოქმედდება.
საბჭოს ეყოლება მუდმივი წევრები. თავმჯდომარე პრეზიდენტი იქნება და საქმიანობას პრეზიდენტის ადმინისტრაცია უზრუნველყოფს.