ხმაური, კამათი და პროტესტი მოჰყვა პარლამენტში ფარული საგამოძიებო მოქმედებების საკანონმდებლო პაკეტის მეორე მოსმენით განხილვას.
საპარლამენტო ოპოზიცია შემუშავებულ ცვლილებებს აკრიტიკებს და ხელისულფებას მწვავე ბრალდებებით უპირისპირდება.
უმრავლესობა კი ოპონენტ დეპუტატებს განხილვის ხელოვნურად გაჭიანურებაში ადანაშაულებს. ირაკლი კობახიძემ დღეს ოპოზიციის წევრებს რეგლამენტის დარრვევის მოტივით მიკროფონი რამდენჯერმე გამოურთო.
ფრაქცია "ევროპულმა საქართველომ" კი პროტესტის ნიშნად სხდომა დატოვა.
"ევროპული საქართველოს" წევრები პარლამენტში მიმდინარე პროცესს საკანონმდებლო პაკეტის განხილვაზე უარის თქმად აფასებენ.
ფარსი, რომელშიც მონაწილეობას არ მივიღებთ - უმცირესობის წარმომადგენლებმა ქუთაისი უკვე დატოვეს.
პარტიის წევრების განცხადებით, "ქართული ოცნების" დეპუტატებმა მათ სხვა გზა არ დაუტოვეს . პარლამენტის თავმჯდომარემ კი ოპოზიციას აზრის გამოთქმის საშუალებაც კი შეუზღუდა. რაზეც ერთადერთი პასუხი პოლიტიკური პროტესტია.