გუშინ ევროპის ლიგის გათამაშებაზე მეთექვსმეტედფინალური ეტაპის პირველი შეხვედრები გაიმართა. შემდგომი ეტაპისკენ დიდი ნაბიჯი გადადგა "მანჩესტერ იუნაიტედმა". მოურინიოს გუნდმა საკუთარ ოლდ ტრაფორდზე ფრანგული "სენტ-ეტიენი" 3:0 დაამარცხა.
გამარჯვებულთა შემადგენლობაში ზლატან იბრაჰიმოვიჩმა გაიბრწყინა, რომელმაც ჰეთ-თრიკი შეასრულა. შვედმა ფორვარდმა გოლები მე-15-ე, 75-ე და 88-ე წუთებზე გაიტანა. ამ წყვილის განმეორებითი თამაში, 22 თებერვალს საფრანგეთში შედგება.
კიდევ უფრო დიდი ანგარიშით გაიმარჯვა "რომამ". იტალიურმა გუნდმა სტუმრად ელ მადრიგალზე ესპანური "ვილიარიალი" 4:0 დაამრცხა და პრაქტიკულად ვადაზე ადრე გაინაღდა მერვედფინალის საგზური.
ლუჩანო სპალეტის გუნდმა პირველი ტაიმი ემერსონის გოლით 1:0 მოიგო. მეორე ნახევარში კი ედინ ჯეკომ ბენეფისი მოიწყო. ბოსნიელმა თავდამსხმელმა, სამჯერ აიღო მეტოქის კარი.
23 თებერვალს "რომა" საკუთარ სტადიონ "ოლიმპიკოზე" უმასპინძლებს "ვილიარიალს". გუშინვე კიდევ ერთ საინტერესო წყვილში ფლორენციის "ფიორენტინამ" სტუმრად 1:0 დაამარცხ მიუხენგლადბახის "ბორუსია".