საკონსტიტუციო სასამართლომ არაკონსტიტუციურად მიიჩნია საერთო სასამართლოების შესახებ ორგანული კანონის ის ნორმატიული შინაარსი, რომელიც ითვალისწინებს სააპელაციო, რაიონული და საქალაქო სასამართლოების მოსამართლეების თანამდებობაზე დანიშვნას 3 წლის ვადით, რომელიც არის ყოფილი ან მოქმედი მოსამართლე და აქვს სამოსამართლეო საქმიანობის არანაკლებ 3 წლიანი გამოცდილება.
სადავო ნორმის მიხედვით, გამოსაცდელი ვადის გასვლის შემდეგ მოსამართლის თანამდებობაზე უვადოდ დანიშვნის გადაწყვეტილებას იუსტიციის უმაღლესი საბჭო მიიღებს.
საკონსტიტუციო სასამართლომ მიიჩნია, რომ აღნიშნული ნორმა ეწინააღმდეგება კონსტიტუციით გარანტირებულ თანასწორობისა და თანამდებობის დაკავების უფლებებს.
პლენუმმა აღნიშნა, რომ პირს, რომელსაც აქვს არანაკლენ 3-წლიანი გამოცდილება, შესაძლებელია უვადოდ დაინიშნოს წარსული საქმიანობის გამოკვლევის საფუძველზე და არა ახალი გამოსაცდელი ვადა მიეცეს.
სასამართლოს გადაწყვეტილება ძალაში პირველი ივლისიდან შევა, ვინაიდან მოსამართლის წარსულში საქმიანობის შესწავლის საკანონმდებლო მექანიზმი არ არსებობს. სარჩელის ავტორი ყოფილი მოსამარტლე ომარ ჯორბენაძეა, საქმეს სასამართლო 2015 წლიდან იხილავს.
შეგახსენებთ, იგივე მიმართულებით მოტივირებული შენიშვნა ჰქონდა საქართველოს პრეზიდენტს მართლმსაჯულების რეფორმის ე.წ. მესამე ტალღით გათვალისწინებულ კანონებზე. უმრავლესობამ შენიშვნების არგუმენტები არასაკმარისად ჩათვალა და ვეტო დაძლია.