4 საათზე მეტია საკონსტიტუციო სასამართლო მსჯელობს რამდენად კონსტიტუციურია ნორმა, რომლის თანახმადაც, დაცვის მხარის შუამდგომლობის საფუძველზე ამოღებული მტკიცებულების პირველადი გამოკვლევის უფლება ბრალდების მხარეს აქვს.
მოსარჩელე ერთ-ერთი მოქალაქეა, რომელსაც სადავო ნორმა პირადად შეეხო. მისი განცხადებით, ნორმა კონსტიტუციით გარანტირებულ სამართლიანი სასამართლოსა და დისკრიმინაციისგან დაცვის უფლებას ეწინააღმდეგება. მოსარჩელე მხარის მეორე სარჩელზე სასამართლო გადაწყვეტილება რამდენიმე დღის წინ გამოაცხადა, საქმე ეხება პროკურატურისთვის კომპიუტერულ სისტემაში არსებული მონაცემების გამოთხოვის ექსკლუზიურ უფლებამოსილებას. აღნიშნული ნორმა პირველმა კოლეგიამ გააუქმა. დაცვის მხარის მოთხოვნით ჩატარებული ჩხრეკის საფუძველზე ამოღებული მტკიცებულებები გადაეცემა თავდაპირველად არა დაცვის მხარეს, არამედ პროკურატურას.