შვეიცარიელმა მოქალაქეებმა, რეფერენდუმზე, მიგრანტების მესამე თაობის წარმომადგენლებისთვის მოქალაქეობის გამარტივებული წესით მინიჭების საკითხს მხარი დაუჭირეს.

წინასწარი მონაცემებით, საარჩევნო უბნებთან მისული მოქალაქეების 55-მა პროცენტმა პირობების შერბილებას დაუჭირა მხარი.

ცვლილებების განხორციელების შემთხვევაში, 25 წლამდე ასაკის შვეიცარიაში დაბადებული ის პირები, რომლებიც ქვეყანაში მიგრანტების შთამომავლები არიან, მოქალაქეობას გამარტივებული წესით მიიღებენ.

აღსანიშნავია, რომ უკანასკნელი 30 წლის განმავლობაში შვეიცარიას მოქალაქეობის გაცემის გამარტივების სამი წარუმატებელი მცდელობა ჰქონდა.