გრძელდება საქართველოს ჩემპიონატი ხელბურთში.

დღეს, ჯემალ ცერცვაძის სახელობის დარბაზში, პირველი წრის დასკვნითი ტურის შეხვედრები გაიმართა.

ცენტრალურ მატჩში ქუთაისმა, თელავის „იმედი“ ანგარიშით 31-25 დაამარცხა. მანამდე, წყალტუბომ სამბურთიანი უპირატესობით 37-34 გორის გუნდს აჯობა. „პეგასმა“ სამტრედიას 40-31 მოუგო. ანგარიშით 31-24 გაიმარჯვა ბათუმმა, „ქარიშხალას“ წინააღმდეგ და აჭარული კლუბი ქუთაისთან ერთად, კვლავ გათამაშების ლიდერია.

ეროვნული ჩემპიონატის მეორე წრე 20 თებერვალს განახლდება. ფინალური სერია კი მაისში შედგება.