დედაქალაქში ხეების ჭრასთან დაკავშირებით პარლამენტში რამდენიმე საკანონმდებლო წინადადების განხილვა დაიწყო.
მწვანე ალტერნატივის, „პარტიზანული მებაღეობის“ აქტივისტებისა და პარლამენტარ დავით სონღულაშვილის ინიციატივებზე, რეგიონული პოლიტიკისა და თვითმმართველობის კომიტეტში ამ წუთებში მსჯელობენ.
ბუნების დამცველთა მთავარი მოთხოვნებია საჯარო გახდეს ხეების მოჭრაზე ნებართვების გაცემის პროცედურა და ხეების მდგომარეობის შეფასების პროცესი, ასევე გათვალისწინებული იყოს საზოგადოებრივი აზრი ჯანსაღი ხეების მოჭრის შემთხვევებში.
რაც შეეხება დავით სონღულაშვილის მიერ წარმოდგენილ დოკუმენტს, მის თანახმად, დაავადებული ხე, რომელიც არ ექვემდებარება განკურნებას, უნდა მოიჭრას სანიტარული ჭრის ფარგლებში, ტერიტორიის მესაკუთრეები კი უნდა გათავისუფლდნენ კომპენსაციის გადახდის ვალდებულებისგან.